2014-07-14 19:29

“უკრაინა პრორუსული ოლიგარქი იანუკოვიჩისგან გათავისუფლდა, ჩვენ  ეს ბედნიერება წინ გვაქვს”,-ამის შესახებ საქართველოს ყოფილმა პრემიერ-მინისტრმა ვანო მერაბიშვილმა 26 მაისის საქმეზე სააპელაციო სასამართლოში მიმდინარე პროცესზე განაცხადა.

,,დღეს უკრაინის მებრძოლები ათავისუფლებენ ლუგანსკისა და დონეცკის რაიონებს.მე ვიქნებოდი ძალიან ბედნიერი, რომ ვიყო თავისუფალი. მე დღეს ვიქნებოდი უკრაინაში და ჩემს მეგობრებთან ერთად, იარაღით ხელში ვიბრძოლებდი უკრაინის გასათავისუფლებლად იმისთვის, რომ უკრაინის თავისუფლება საქართველოს თავისუფლებაა”,-განაცხადა ვანო მერაბიშვილმა.

ამ განცხადების შემდეგ ვანო მერაბიშვილმა პროცესი პროტესტის ნიშნად დატოვა.