საქართველოს პრემიერმინისტრი ირაკლი ღარიბაშვილი აცხადებს, რომ გერმანიის ნაკრებს გულშემატკივრობდა და რომ ზოგადად, მათ გამარჯვებას დაემთხვა ფინალის დაგვირგვინება.
ამის თაობაზე ღარიბაშვილმა მთავრობის დღევანდელი სხდომის დაწყებისას განაცხადა:
"კიდევ ერთხელ გილოცავთ არჩევნების ასეთი წარმატებით დასრულებას, ვულოცავ მთელ საქართველოს, იმიტომ, რომ ეს არის ჩვენი ქვეყნისთვის მნიშვნელოვანი, რაც მთავარია ვულოცავ თითოეულ ჩვენს ამომრჩეველს, მხარდამჭერს.
როგორც ჩვენ არჩევნებამდე ვამბობდით ყველა ქალაქში, რაიონში, სოფელში მოვიგებდით და ასეც არის, ჩვენ ყველგან მოვიგეთ დამაჯერებლად და სიმბოლურია, რომ გუშინ დაემთხვა მსოფლიო ჩემპიონატის ფინალის დაგვირგვინება. მე თავიდანვე ვგულშემატკივრობდი გერმანიას", - თქვა ირაკლი ღარიბაშვილმა.