2015-07-23 13:22

„ამას ეთერში არ გავაკეთებ, მაგრამ მე შემიძლია კიდევ 5-6 სოფელი დაგისახელოთ, სადაც შესაძლოა, ხვალ და ზეგ ვიღაცამ ასეთივე ისტერიკა მოაწყოს, მაგრამ ეს არ იქნება სიმართლე“, - ამის შესახებ თინა ხიდაშელმა საოკუპაციო ზოლის გადმოწევასთან დაკავშირებით საუბრის დროს, რადიო „თავისუფლების“ ეთერში განაცხადა. 

თავდაცვის მინისტრმა დასძინა, რომ საქართველოს ხელისუფლების ამოცანაა „ეს საზღვრები დავაბრუნოთ სსრ კავშირის დაშლის დროინდელ ნიშნულთან, ანუ იმ ნიშნულთან, რომლითაც აღიარებულია საქართველოს სუვერენიტეტი და დამოუკიდებლობა“.

„ბევრი კრიტიკა მოვისმინე, ბევრი დაუმსახურებელი ლანძღვაც, ჩემი „ფეისბუქის“ გვერდი სავსეა შეკითხვებით, რას აკეთებს თავდაცვის სამინისტრო... თავდაცვის მინისტრები ასეთ დროს არ მოქმედებენ. ასეთ დროს, თუ რამეა გასაკეთებელი, ქვეყანას ჰყავს შინაგან საქმეთა სამინისტრო და სპეცსამსახურები. რითაც თავდაცვის სამინისტრო მოქმედებს, ეს არის ომი. საქართველოს ხელისუფლებას კი სრულიად ცალსახად აქვს გაცხადებული, რომ არ დაუშვას საქართველოს ტერიტორიაზე ომი“, - აღნიშნა თინა ხიდაშელმა.