2014-04-26 12:51

ტალინში, ლენარტ მერის კონფერენციაზე სიტყვით გამოსვლისას ესტონეთის თავდაცვის სამინისტროს გენერალური შტაბის უფროსმა რიპო ტერასმა 2008 წლის აგვისტოში საქართველოს ხელისუფლების მიერ მიღებულ გადაწყვეტილებას ცეცხლის გახსნის შესახებ სწორი უწოდა.

ტერასის თქმით, რუსეთის სამხედრო შენაერთების საქართველოში შეჭრის ფაქტი უკვე აშკარა იყო მაშინ, როცა ცეცხლის გახსნის ბრძანება გაიცა, ასე რომ, ეს გადაწყვეტილება სწორი იყო, როგორც სწორი იყო ფინეთის გადაწყვეტილება 1939 წელს.

ტერასმა ასევე აღნიშნა, რომ იმ შემთხვევაში, თუ უკრაინის შეიარაღებული ძალები წინააღმდეგობას გაუწევდნენ რუსთს ყირიმის ნახევარკუნძულზე, სავარაუდოდ, ამ ტერიტორიას რუსები მაინც დაიკავებდნენ, მაგრამ საბოლოო ჯამში, უკრაინისთვის უკეთესი პარადიგმა შეიქმნებოდა.