2014-04-25 21:12

„ბარსელონას“ ყოფილი მწვრთნელი ტიტო ვილანოვა 45 წლის ასაკში გარდაიცვალა. ამის შესახებ კატალონიური კლუბის ვებგვერდზე გამოქვეყნებულ ინფორმაციაშია აღნიშნული.

ვილანოვას გარდაცვალების მიზეზი ავთვისებიანი სიმსივნეა. 2011 წლის ბოლოს ტიტო ვილანოვამ ოპერაციაც გაიკეთა, თუმცა, უშედეგოდ.

ფრანსესკ "ტიტო" ვილანოვა-ი-ბაიო „ბარსელონას“ მთავარი მწვრთნელი 2012 წელს გახდა - მან ამ პოსტზე ხოსეპ გვარდიოლა შეცვალა, თუმცა უკვე 2013 წელს ეს პოსტი დატოვა ჯანმრთელობის მდგომარეობის გაუარესების გამო.