2014-04-25 19:46

უკრაინამ და მოლდოვამ გადაწყთვიტეს გაერთიანებული ძალებით წინააღმდეგობა გაუწიონ რუსეთის აგრესიას,-ამის შესახებ უკრაინის საგარეო საქმეთა სამინისტროს პრესსამსახური იუწყება.

პრაღაში მიმდინარე აღმოსავლეთ პარტნიორობის სამიტის ფარგლებში მიმდინარე ორმხრივ შეხვედრაზე, უკრაინისა და მოლდოვის საგარეო საქმეთა მინისტრებმა, ანდრეი დეშიცამ და ნიკოლაე ტიმოფტიმ გადაწყვიტეს, რომ ორმა ქვეყანამ საერთო ძალებით წინააღმდეგობა უნდა გაუწიონ რუსეთის აგრესიას.

მხარეებმა განიხილეს საერთაშორისო უსაფრთხოების საკითხები, ყურადღება გაამახვილეს აღმოსავლეთ უკრაინაში და დნესტრისპირეთში მიმდინარე მოვლენებზე, იუწყება საგაერო საქმეთა სამინისტროს პრესსამსახური.

„დეშიცამ და ტიმოფტიმ ხაზი გაუსვეს ორმხრივი, კოორდინირებული მუშაობის აუცილებლობას, რუსეთის ზეწოლის თავიდან ასაცილებლად, კერძოდ კი ევროინტეგრაციის კონტექსტში“-აცხადებს პრესსამსახური.