2014-04-13 17:19

„არა კოლაბორაციონიზმს“, „არა მტერთან თანამშრომლობას“ ამ ლოზუნგებით მთავრობის კანცელარიასთან აქცია იმართება. აქციას „ერთიანი ნაციონალური მოძრაობის“ წევრებიც ესწრებიან.

აქციის მონაწილეები მხარს უჭერენ ქვეყნის ევროინტეგრაციას და აპროტესტებენ იმ ძალების მოწოდებებს, რომლებიც მხარს უჭერენ ქვეყნის ევრაზიულ კავშირში გაერთიანებას.

„საზოგადოება, რომელსაც სურს, რომ შეინარჩუნოს თავისუფლება. საკუთარი სახელმწიფო, საკუთარი პერსონალური თავისუფლება, ყოველთვის უნდა იყოს ფხიზლად, რომ არ დაუშვას იმ ძალების გააქტიურება პირველ რიგში ქვეყნის შიგნით, რომელმაც შესაძლოა ძირი გამოუთხაროს ამ ყველაფერს. განსაკუთრებით მაშინ, როდესაც გარეშე მტერი სწორედ ამ ძალებზე დაყრდნობით და ღია სამხედრო აგრესიით ცდილობს ჩვენი თავისუფლების მოსპობას“, - განაცხადა გიგა ბოკერიამ.