2014-03-23 21:17

საპარლამენტო უმცირესობის წევრი ჩიორა თაქთაქიშვილი ირონიით აცხადებს, რომ საქართველოს ხელისუფლებას „სააკაშვილის თანამონაწილე“ ჯონ მაკკეინისთვის სანქციების დაწესება დაუგვიანდა და ახსენებს მათ, რომ პუტინმა ამერიკელ სენატორს სანქციები უკვე დაუწესა.

ამის შესახებ ჩიორა თაქთაქიშვილი „ფეისბუქზე“ წერს:

„ჯონ მაკკეინს არ მიუვიდა დაკითხვაზე დაბარების უწყება? მინიმუმ თანამონაწილე არ გამოდის მიხეილ სააკაშვილის?! ის "სააკაშვილის სისხლიან რეჟიმს", "9 წელი" რომ "ანგრევდა" ქვეყანას, დემოკრატიის შუქურად მოიხსენიებდა, 2012 წლის 1 ოქტომბრის მერე, "ბოდიშიც არ მოიხადა", "რიტორიკა არ გადააწყო" და დღესაც ამბობს, პრეზიდენტმა სააკაშვილმა ერთადერთი სწორი გადაწყვეტილება მიიღო, როცა რუსეთის სამხედრო აგრესიას უპასუხაო.

დანარჩენ ბრალდებებს ფარცხალაძე მოიფიქრებს. ბიძინა ივანიშვილო, ჰაკიმ ფაშავ, პუტინმა უკვე დაუწესა სანქციები მაკკეინს და ძალიანაც ნუ დააგვიანებთ თქვენ!“.