დღეს თბილისის საქლაქო სასამართალოში გამართულ სასამართლო პროცესზე ზურაბ ჟვანიას დაცვის ყოფილმა წევრმა მიხეილ ძაძამიამ და ექსპერტმა ლევან ჩაჩუამ სიტყვა წარსმოსთქვეს.
ძაძამიას განცხადებით, კონსპირაციული ბინის არსებობა იყო ზურაბ ჟვანიას, დაცვის უფროსის და მისი საიდუმლო:
"ზურაბ ჟვანია მივიყვანე კონსპირაციულ ბინაში და ასეთი რამ ხშირად ხდებოდა ხოლმე. ამ ბინის შესახებ არავის უნდა სცოდნოდა, გარდა დაცვის უფროსისა და ჩვენი. ეს იყო საიდუმლო, ზურას მოთხოვნით. მე მართალი ვარ ამ საქმეში და მართალი ვარ ღმერთის წინაშე", - განახცადა ძაძამიამ.
რაც შეეხება ჩაჩუას, მისი განცხადებით მის წინააღმდეგ აღძრული სისხლის სამართლის საქმე აბსურდია:
„რაც შეეხება ზეწოლას, პროკურატურა და ბრალდება ამბობს, რომ მე მოვახდინე ზეწოლა ტელეფონით იმ ადამიანებზე, ვინც ჩემთან ერთად მოამზადა საექსპერტო დასკვნა. პროკურატურას არანაირი დამადასტურებელი დოკუმენტი არ აქვს, რომ რომელიმე მათგანთან ერთი ზარი მაინც განმიხორციელებია. მთელი ბრალდება აბსურდულია, ბრალდება, რომელიც ეფუძნება მხოლოდ ერთ ვიდეოს. აქედან გამომდინარე დამიბარეს პროკურატურაში, მივეცი ჩვენება და იქიდან გამოსვლის შემდეგ ერთ საათში კვლავ დამირეკეს, რომ რაღაც დეტალები იყო დასაზუსტებელი. განმეორებითი დაბარების შემდეგ მე ვიცოდი, რომ დამაკავებდნენ, თუმცა, ერთი წამითაც არ მიფიქრია, არ მივსულიყავი. აქედან გამომდინარე, იმ დროს, როდესაც თავად ვეუბნები პროკურატურას, რომ მივიდე პროკურატურაში, არანაირი საფუძველი იმის ვარაუდის, რომ პროკურატურას დავემალები, არ არსებობს", - განაცხადა ჩაჩუამ.
