„მათ ხელეწიფებათ ამ მასალის გასაჯაროება -ეს მათი არჩევანი იქნება. ჩვენი არჩევანი იყო ის, რაც ვფიქრობ სწორია, მიუხედავად იმისა რომ დავზიანდით, ჩვენი გადაწყვეტილება უფრო სინდისიერი იყო,“ - აცხადებს ყოფილი მთავარი პროკურორი მურთაზ ზოდელავა.
ზოდელავას განცხადებით, რომელიც მან გადაცემა ,,პოზიციაში“ საუბრისას გააკეთა, ახალმა ხელისუფლებამ და პროკურატურამ უნდა მიიღოს გადაწყვეტილება გაასაჯაროებენ თუ არა, ბოლოს და ბოლოს, ზურაბ ჟვანიას გარდაცვალების საქმის დეტალებს.
„თუ ესენი თვლიან, რომ ამ საქმის გაუსაჯაროება არის მათთვის პრობლემა, უნდა გააცნობიერონ, რომ ისინი არ არიან ოპოზიციაში და გასაჯაროება მათი უფლებამოსილება. მიიღონ ეს გადაწყვეტილება, მაგრამ ისე კი არა, რომ წლინახევრის შემდეგ აღმოვაჩინეთ რაღაც კაბინეტში.
ვცნობ მე ჩემს კაბინეტს და ვიცი, რომ ისინი იყვნენ ჩემს კაბინეტში, კბილაშვილი ვიცი რომ იქ მოღვაწეობდა, ფოტოებზე არის და ვცნობ ჩემს კაბინეტს და ბოლო ორი პროკურორი არ ვიცი, მათი ერთი ფოტო ვიცით და ისიც რესტორანშია გადაღებული,“- ამბობს ზოდელავა.
