2014-03-21 17:31

საქართველოს მესამე პრეზიდენტი მიხეილ სააკაშილი ევროკავშირთან ასოცირების ხელშეკრულების ხელმოწერაზე კომენტარს აკეთებს.

სააკაშვილი ასევე აღნიშნავს, რომ ნატომ უნდა დააჩქაროს საქართველოს ინტეგრაცია ჩრდილოატლანტიკურ ალიანსში:

„ნატოს ყველამ ერთად უნდა ვთხოვოთ, რომ დაჩქარდეს საქართველოს სწრაფი წესით ინტეგრაცია ჩრდილოატლანტიკურ ალიანსში. ეს არის ჩვენი პასუხი და მათი პასუხი იმაზე რასაც რუსეთი აკეთებს სამეზობლოში. ევროპა ხვდება, რომ რაღაც უნდა მოიმოქმედოს, იმიტომ, რომ ჩვენი ქვეყნები არის საფრთხეში, იმედია საქართველოს მთავრობაც მიხვდება, რომ ჩვენი ქვეყანა არის საფრთხეში. ჩვენ ამ ყველაფერზე უნდა ავმაღლდეთ, ეს ბევრად უფრო მნიშვნელოვანია, ვიდრე მიმდინარე, მოკლევადიანი პოლიტიკური ამოცანა“, - განაცხადა მიხეილ სააკაშვილმა.