2014-03-19 12:53

სევასტოპოლში, პრორუსული აქციის მონაწილეები უკრაინის შეიარაღებული ძალების შტაბში შეიჭრნენ. აქციის მონაწილეებმა შენობის თავზე რუსული დროშა აღმართეს.

პრორუსულად განწყობილმა აქტივისტებმა აქცია ადგილობრივი დროით 08:00 საათზე დაიწყეს.  რამდენიმე ასეული დემონსტრანტი შენობაში მას შემდეგ შეიჭრა, რაც მათ ბაზის დამცავი ჯებირი გაარღვიეს. გავრცლებული ცნობებით, მომიტინგეები სამხედრო მოსამსახურეების წინააღდეგ ძალას არ იყენებენ.

უბედური შემთხვევა მოხდა გუშინ სიმფეროპოლში, ერთ-ერთი სამხედრო ნაწილის შტურმის დროს ორი ადამიანი გარდაიცვალა. გავრცელებული ინფორმაციის თანახმად, ერთ-ერთი გარდაცვლილი უკრიანელი სამხედრო, მეორე კი ყირიმის ე.წ. თავდაცვითი რაზმის წარმომადგენელია.

რუსეთის ფედერაციის პრეზიდენტის ვლადიმირ პუტინის პრესსპიკრმა კი უკრაინის შეიარაღებულ ძალებს ყირიმის დატოვება ან ადგილობრივი არმიის მხარეს გადასვლა შესთავაზა.