2014-03-19 12:46

საქართველოს უშიშროების საბჭოს ყოფილი მდივანი გიგა ბოკერია ყოფილი პრემიერმინისტრის, ბიძინა ივანიშვილის განცხადებებს ეხმაურება. ბოკერია აცხადებს, რომ ბიძინა ივანიშვილმა სრული არაკომპეტენტურობა გამოავლინა საგარეო საკითხებში:

„მან არაკორექტული ფორმით შეურაცხყოფა მიაყენა პრეზიდენტს, რომელიც მან დაასვა თავზე ქართველ ამომრჩეველს. ისე აირჩია, როგორც მარიონეტი თავის დროზე. ახლა აქებს მის მეორე მარიონეტს, ღარიბაშვილს, რომელიც ასევე დაგვასვა თავზე და აპირებს, რომ თბილისის მერიც, ასევე პოლიტიკურად აბსოლუტურად უცნობი ადამიანი დაასვას ქართველ ამომრჩეველს თავზე.

გამოაჩინა სრული არაკომპეტენტურობა საგარეო საკითხებში და ისეთ პრინციპულ და ფუნდამენტურ საკითხებში, როგორიც უკრაინაა“, - განაცხადა გიგა ბოკერიამ.