2014-03-16 20:03

პრორუსულად განწყობილმა აქტივისტებმა დონეცკის სამხარეო პროკურატურის შენობა დაიკავეს. ისინი გუბერნატორ პაველ გუბარევის თანამდებობიდან გათავისუფლებას ითხოვენ.

აქციის მონაწილეებმა უკრაინის დროშა რუსეთის დროშით ჩაანაცვლეს. ასევე შენობის ფანჯრებში გამოფინეს ე.წ. „დონეცკის რესპუბლიკის“ დროშაც.

შენობას ასამდე სამართალდამცავი იცავდა, თუმცა, აქციის მონაწილეების აგრესიული აქტივობის გამო იძულებულნი გახდნენ უკან დაეხიათ.

აქციის  მონაწილეებთან მოსალაპარაკებლად დონეცკის პროკურორი ნიკოლაი ფრანტოვსკი გავიდა, თუმცა მას სიტყვის წარმოთქმის უფლება არ მისცეს და მისი გამოსვლა შეძახილებით ჩაახშვეს.