2014-03-15 16:59

გიორგი თარგამაძე ,,ქრისტიან დემოკრატების" ლიდერი აღარ არის. ოფიციალური განცხადებით, ის აქტიურ პოლიტიკურ საქმიანობას წყვეტს,-ამის შესახებ ინფორმაციას საინფორმაციო გამოშვება „მოამბე" ავრცელებს.

არასაპარლამენტო ოპოზიცია ადგილობრივი თვითმმართველობისთვის პოლიტიკურ ცვლილებებს არ გამორიცხავს. ერთი კვირის ვადაში გახდება ცნობილი, შეძლებს თუ არა არასაპარლამენტო ოპოზიცია ერთიანი კანდიდატის წარდგენას. ასევე „მოამბისთვის" ექსკლუზიურად ცნობილი ხდება, რომ შესაძლოა, წინასაარჩევნოდ პარტიებში ცვლილებები განხორციელდეს. კერძოდ, „ქრისტიან-დემოკრატიული პარტიის" ერთ-ერთი ლიდერი გიორგი ახვლედიანი ნინო ბურჯანაძის პარტიასთან გაერთიანდეს.

ის საკუთარი პარტიისთვის სახელწოდების შეცვლასაც არ გამორიცხავს. მისი თქმით, ეს ცვლილება ქვეყანაში არსებულ ორპოლუსიან პოლიტიკურ სისტემას შეცვლის. „ქდმ აღარ იარსებებს, შესაძლებელია მოხდეს პარტიის ინტერგრაცია და საერთო სახელზე მოხდება შეთანხმება, ეს დეტალებია. ეს ადამიანები ერთიანდებიან გარკვეული პოლიტიკური ინტერესებისთვის, მომავალი საპარლამენტო და საპრეზიდენტო არჩევნებისთვის", - განაცხადა გიორგი ახვლედიანმა.