ლევან რატიანის განცხადებით, თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას დღეს 9 გამოჯანმრთელებული პაციენტი დატოვებს.
მისივე თქმით, კლინიკაში ამ ეტაპზე სულ 106 პაციენტი იყოფებდა და კოვიდინფიცირებული მათგან 81-ია.
„კლინიკიდან ეწერება 9 გამოჯანმრთელებული. ასევე, გაგზავნილი გვაქვს რამდენიმე პირველადი ტესტი და ველოდებით პასუხებს“,- განაცხადა რატიანმა.
ამასთან, რატიანის თქმით, რეანიმაციულ განყოფილებაში კვლავ 8 პაციენტი რჩება.
„დადებითი დინამიკაა იმ სიტუაციით, რომ უარყოფითი კლინიკა არცერთ პაციენტთან არ გვხვდება. რეანიმაციაში გვყავს 8. აქედან გვყავს ერთი ფილტვის ხელოვნურ ვენტილაციაზე, ორი ხელოვნურ სუნთქვაზეა. მათი მდგომარეობა რჩება სტაბილური. ყველა მათგანი უარყოფითი კლინიკის გარეშეა. ზოგიერთ მათგანთან არის დადებითი დინამიკა, ეს იმით გამოვლინდება, რომ გამარტივებულია ფილტვის ხელოვნური ვენტილაცია და მზადდებიან ფილტვის ხელოვნური ვენტილაციის მოხსნისთვის და იმედია, რომ ეს მალე განხორციელდება“,- განაცხადა რატიანმა.
ლევან რატიანის თქმით, კლინიკას ერთი ახალი პაციენტი დაემატა, რომელიც კოვიდინფიცირების საეჭვო შემთხვევაა და სხვა ქვეყნიდან შემოსული საქართველოს მოქალაქეა.
