2020-04-20 12:47

ნაციონალური მოძრაობის“ წევრის, თინა ბოკუჩავას განცხადებით, ბადრი ქათამაძე რომელმაც გუშინ, მიხეილ სააკაშვილის სახელობის ბიბლიოთეკაში ხანძარი გააჩინა, სუს-ის აგენტია, რომელიც ხელისუფლების მხრიდან სრული ხელშეუხებლობით სარგებლობს. ბოკუჩავას ინფორმაციით, ბადრი ჯაფარიძემ წინა წლებშიც არაერთი დანაშაული ჩაიდინა, რომელთა ნაწილიც დღესაც გამოუძიებელია.

„ბადრი ქათამაძე, რომელმაც გუშინ ხანძარი გააჩინა პრეზიდენტ სააკაშვილის ბიბლიოთეკაში, არის რეციდივისტი, მაგრამ ის ასევე არის სუს-ის აგენტი. სწორედ ამიტომ ის სარგებლობს ხელისუფლების მხრიდან მფარველობით და სრული ხელშეუხებლობით. მან 2018 წელს რკინის საგნით ფიზიკური ზიანი მიაყენა ზაურ აბაშვილს, რის გამოც ის პირობითი მსჯავრის ქვეშ იმყოფებოდა. ამის შემდეგ, 2019 წელს ის თავს დაესხა შვილმოკლულ მამას, მალხაზ მაჩალიკაშვილს და მის მხარდამჭერებს რუსთაველის გამზირზე. მაშინ პოლიციამ ის მხოლოდ განარიდა ადგილს. შემდეგ, 2020 წელს ის თავს დაესხმა, „მთავარი არხის“ დამფუძნებელს, ნიკა გვარამიას, როდესაც ის პოლიტპატიმარ გიორგი რურუას სასამართლო პროცესზე იმყოფებოდა. მიუხედავად იმისა, რომ დანაშაული მოხდა სასამართლოს ეზოში და არსებობს უამრავი მოწმე, პოლიციამ ასევე განარიდა ადგილიდან და როგორი ცინიკურიც არ უნდა იყოს, სასამართლოს ეზოში მომხდარ დანაშაულზე არ დაწყებულა გამოძიება, საამართლომდეც კი არ მისულა ეს საქმე“, - განაცხადა თინა ბოკუჩავამ.