თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელის, მარეხი ბექაიას განცხადებით, კლინიკაში მყოფ 40 პირს კორონავირუსი არ დაუდასტურდა. როგორც მან ჟურნალისტებს განუცხადა, ხუთი პაციენტის პასუხი ვირუსზე დღის განმავლობაში გახდება ცნობილი.
ბექაიას განმარტებით, კლინიკაში მოთავსებული პაციენტების ჯამრთელობის მდგომარეობა საშუალო სიმძიმისაა და მხოლოდ ერთი იმყოფება რეანიმაციულ განყოფილებაში.
„PCR კვლევაზე 45 პაციენტის ანალიზია აღებული და 40 უარყოფითი პასუხი მივიღეთ. ხუთი ანალიზის კვლევა გრძელდება, ჯერ პასუხები მიღებული არ არის. 40 პაციენტი კლინიკას დატოვებს. ძირითადად, პაციენტების ჯამრთელობის მდგომარეობა საშუალო სიმძიმისაა. მათი ძირითადი ჩივილია ტემპერატურული რეაქციები, ნაწილს პნევმონია აღენიშნება, ამიტომ ისინი მრავალპროფიკულ კლინიკებში გადავლენ. დანარჩენები კი, კარანტინში.
რეანიმაციაში ერთი პაციენტი იმყოფება, რომელიც ცხელების გამო, ჩვენს კლინიაში მართვით სუნქვაზე გადმოიყვანეს. ამჟამად პაციენტი მართვითი სუნთქვიდან მოხსნილია, მდგომარეობა გაუმჯობესებულია, მასთანაც უარყოფითი პასუხია მიღებული“, - აცხადებს ბექაია.
