2014-03-06 22:18

საქართველოს პრემიერმინისტრის ირაკლი ღარიბაშვილის განცხადებით, ამერიკის შეერთებულ შტატებში მაღალი რანგის პოლიტიკოსებთან შეხვედრისას საქართველოს ყოფილი ხელისუფლების ლიდერებზე საუბარი არ ყოფილა.

ამის შესახებ კომენტარი ღარიბაშვილმა „საზოგადოებრივი მაუწყებლის“ ეთერში გააკეთა: „მსურს გავახარო საქართველოს მოსახლეობა და ასევე ბრჭყალებში, გავახარო ყოფილი ხელისუფლების წარმომადგენლები, არათუ მათი გვარის ხსენება არ ყოფილა, არამედ მათზე დროც კი არ დაგვიკარგავს.

მე ობამასა და ბაიდენს ჩვენი ხედვა წარვუდგინე და გავაცანი ჩვენი გეგმები. ვისაუბრეთ ეკონომიკაზე, რომელიც დაგვხვდა დანგრეული. არავის არ უკითხავს კონკრეტული გვარი, იყო ზოგადი საუბარი.

იყო მეგობრული რჩევები და ჩვენ ამ რჩევებს რა თქმა უნდა ვითვალისწინებთ. ჩვენ გამოცდილება დემოკრატიის თვალსაზრისით, რა თქმა უნდა, ნაკლები გამოცდილება გვაქვს, ამიტომ ჩვენ მათი რჩევა უნდა მივიღოთ და გავითვალისწინოთ“, – თქვა ღარიბაშვილმა.