2014-03-06 21:56

საქართველოს პრემირმინისტრი უკრაინაში მიმდინარე მოვლენების კომენტირებისას, მიხეილ სააკაშვილის მეზობელ ქვეყანაში ვიზიტებსაც ეხმაურება.

„საზოგადოებრივი მაუწყებლის“ ეთერში ირაკლი ღარიბაშვილმა უკრაინის ახალ ხელისუფლებას მოუწოდა, რაც შეიძლება ნაკლებად ენდონ სააკაშვილის რჩევებს:

„მე გაოცებული ვარ უკრაინის ამჟამინდელი ხელისუფლება საერთოდ როგორ ესაუბრება მიხეილ სააკაშვილს... მე მითხრეს, რომ მრჩევლად ჰყავთ მიწვეული, არ მსურს მათ საქმეში ჩარევა, როდესაც მიხეილ სააკაშვილს უშიშროების მინისტრი რჩევებს ეკითხება, მძიმე შეცდომაა.

სააკაშვილი არის ის კაცი, რომელმაც თავიდან ვერ აიცილა 2008 წლის ომი და პროვოკაციას წამოეგო, როდესაც ასეთ კრიზისში ასეთი ავანტიურისტი გყავს მრჩევლად, მგონი ძალიან დიდი შეცდომაა.

როგორც მეუბნებიან მას თან ჰყავს ჩაყვანილი ბიძა, რომელიც „კაგებეს“ ყოფილი აგენტია, თუმცა ამ საქმეში სიტყვა „ყოფილი“ არ არსებობს, მე მათ ვურჩევ, რაც შეიძლება ნაკლებად ენდონ სააკაშვილს.

მათ უნდა გაითვალისწინონ მიხეილ სააკაშვილის ბიოგრაფია, მისი რადიკალური ხასიათი და ავანტიურისტული მიდგომები საქმისადმი“, - განაცხადა ღარიბაშვილმა.