2014-03-06 19:25

16 აპრილს კრემლის საკონცერტო დარბაზში დაგეგმილი კონცერტი „ერისიონმა“ გააუქმა, სანაცვლოდ კი დიდი ჯარიმის გადახდა მოუწევს, რადგან ხელშეკრულებით გათვალისწინებულია, რომ კონცერტის გაუქმება მხოლოდ ფორსმაჟორულ სიტუაციაშია შესაძლებელი.

ამის შესახებ „ამბები.ჯი“-ს „ერისიონის“ სამხატვრო ხელმძღვანელმა ჯემალ ჭკუასელმა უთხრა:

„მარტო კრემლში კი არა, კონცერტები ყველგან იყო დაგეგმილი და მთლიანად მოვხსენით...

დიდი ხანია, მოვახსენეთ რუსულ მხარეს, რომ ჩვენი იქ ჩასვლა არ შეიძლებოდა, მაგრამ საქმე ის გახლავთ, რომ ხელშეკრულებაში წერია, გასტროლის გაუქმება მხოლოდ ფორსმაჟორულ შემთხვევაშია შესაძლებელი, ეს არ არის ფორსმაჟორიო, - გვითხრეს.

მიუხედავად ამისა, მოვხსენით და არ მივდივართ. რასაც უზარმაზარი ჯარიმა მოჰყვება, მაგრამ ვერავითარი ჯარიმა ვერ გადაწონის ამ ყველაფერს... ჯარიმას, ალბათ, სასამართლო გადაწყვეტს, რამდენი და როგორ იქნება“, - აცხადებს „ამბები.ჯი“-სთან საუბარში ანსამბლის სამხატვრო ხელმძღვანელი.