2014-03-06 17:16

ესპანეთ–პორტუგალიის საზღვართან მდებარე პატარა ქალაქ აიამონტეს პატარა კაფეში მომხდარ ინციდენტზე ინფორმაცია უკრაინული ბლოგოსფეროს ვებგვერდზე ვრცელდება.

ბლოგერი წერს, რომ ის ქმართან ერთად ყავას მიირთმევდა, როცა კაფეში ხმამაღალი სიცილით რუს ტურისტთა ჯგუფი შემოვიდა, მაგიდებთან გადანაწილდა და ერთ–ერთმა ოფიციანტი იხმო:

„მათთან ოფიციანტი არ მივიდა, რადგან მას ხანშიშესულმა, სიმპათიურმა მამაკაცმა დაასწრო, რომელიც რუსი ტურისტების მაგიდასთან შედგა და მათ აუხსნა, რომ ის დაწესებულების მეპატრონეა: „ამ კაფეში ჩვენ დამპყრობლებს არ ვემსახურებით. ძალიან ვწუხვარ, მაგრამ მისი დატოვება მოგიწევთ!“, – მიმართა მან რუს ტურისტებს.

ბლოგერი წერს, რომ რუსმა ტურისტებმა კაფე იმ აპლოდისმენტების ფონზე დატოვეს, რითაც კაფის სხვა სტუმრებმა დაწესებულების მეპატრონე დააჯილდოვეს.

შეგახსენებთ, რომ გასულ წელს ფოთში, სადაც 2008 წელს რუსმა ოკუპანტებმა მშვიდობიანი მოსახლეობა დახოცა, ქართველი სამხედროები მძევლად აიყვანა და საქართველოს სანაპირო დაცვის კატერები ჩაძირა, ორი თვის ერთ–ერთმა არასამთავრობო ორგანიზაციამ ცენტრალურ ქუჩებში რუსეთის სახელმწიფო დროშები გამოფინა.

რუსეთი იმ სახელმწიფოებს შორის იყო, რომლებიც ამ ორგანიზაციის მიერ მოწყობილ ბავშვთა საერთაშორისო კონკურსში მონაწილეობდნენ.

მაშინ ქალაქში რუსეთის სახელმწიფო დროშის გამოფენამ დიდი მღელვარება გამოიწვია. ფოთელების ნაწილი იმავე ღამეს შეიკრიბა, დროშები ჩამოხსნა და დაწვა.