2014-03-02 20:03

ევროპის თავზე ,,AWACS“-ის ტიპის NATO-ს სადაზვერვო თვითმფრინავები გამოჩნდა. ამის შესახებ ბრიტანელი ანალიტიკოსი ედვარდ ლუკასი თავის twitter-ზე წერს.

 "თუ თქვენ ხართ ჩრდილო-აღმოსავლეთ ევროპაში, ცაში აიხედეთ. თქვენ ერთ ან ორ ,,AWACS“-ს იხილავთ.

 NATO (თავის მოქმედებებში) სერიოზული ხდება, თუმცა დაგვიანებით",  - წერს ლუკასი. 

დღეს ნატოს გენერალურმა მდივანმა ანდერს ფოგ რასმუსენმა განაცხადა, რომ ის, რასაც ახლა რუსეთი უკრაინაში აკეთებს არის გაეროს ქარტიის სასტიკი დარღვევა.

,,ეს ევროპაში მშვიდობასა და უსაფრთხოებას საფრთხეს უქმნის. რუსეთმა უნდა შეწყვიტოს მილიტარისტული მოქმედებები და მუქარა.“- აღნიშნა მან და მოუწოდა რუსეთს უკრაინაში სიტუაციის დეესკალაციისაკენ.

როგორც მანვე აღნიშნა, რუსეთის მიერ უკრაინაში განხორციელებული სამხედრო მოქმედებებისა და პრეზიდენტ პუტინის მხრიდან  უკრაინის სუვერენიტეტის მუქარის გამო რასმუსენმა ჩრდილო-ატლანტიკური საბჭოს რიგგარეშე სხდომა მოიწვია.