2014-03-01 22:26

უკრაინის სამხედრო-საზღვაო ძალების ფლაგმანი, ხომალდი „გეტმან საგაიდაჩნი“ რუსეთის მხარეს არ გადასულა - მან და სხვა ხომალდებმა დისლოკაციის ადგილი შეიცვალეს.

ამის შესახებ უკრაინული მედია იუწყება. ინფორმაციაში ნათქვამია, რომ ფლაგმანმა ხომალდმა სევასტოპოლის ბაზა დატოვა დისლოკაციის ადგილის შეცვლის მიზნით, ბაზიდან გასასვლელად ემზადება ასევე „ტერნოპოლი“, ხოლო სხვა ხომალდები, რომლებმაც ანალოგიური ბრძანება მიიღეს, ასევე ემზადებიან სევასტოპოლის ბაზის დასატოვებლად.

რუსული და ცალკეული უკრაინული მედიასაშუალებების მიერ ადრე გავრცელებული ინფორმაცია იმის შესახებ, რომ „გეტმან საგაიდაჩნი“ რუსეთის მხარეს გადავიდა და რუსეთის სახელმწიფო დროშა აღმართა, არ დასტურდება.

ამასთან, სევასტოპოლის ბაზა დატოვეს უკრაინის სანაპირო დაცვის ხომალდებმაც. მათი სავარაუდო დისლოკაციის ადგილი ოდესა იქნება.