2014-03-01 14:27

ყირიმელ თათართა ხალხის ტელეარხ ATR-ის შტურმი, რომელიც გუშინ ღამით იყო მოსალოდნელი, არ შედგა. ამის მიუხედავად, ტელევიზიის შტურმით აღების საშიშროება ამ დრომდე არსებობს.

შეგახსენებთ, რომ ყირიმის ნახევარკუნძულის სახელმწიფო ტელერადიოკორპორაცია „კრიმი“ უკვე აღებულია და მას რუსეთის ფედერაციის მიერ მხარდაჭერილი „სახალხო რაზმები“ აკონტროლებენ.

„ჩვენ ამ დრომდე ველოდებით ავტომატით შეიარაღებულ პირებს ჩვენს კარებთან, რომლებსაც უნდათ, ჩვენ პირზე ხელი აგვაფარონ, ხოლო თქვენ – თვალები და ყურები დაგიცონ“, – აცხადებდა გუშინ, ღამის საათებში ახალი ამბების წამყვანი ეთერში ყოველ გასვლაზე.

უკრაინაში, კერძოდ, ყირიმის ნახევარკუნძულზე, მოვლენების გასაშუქებლად მივლინებული არიან ქართველი ჟურნალისტები სხვადასხვა მედიასაშუალებიდან. მათ შორისაა „რუსთავი–2“–ის ჟურნალისტი თენგიზ გოგოტიშვილი, რომელიც იქ არსებულ სიტუაციას „ფეისბუქის“ საკუთარ გვერდზეც ეხმაურება.

"не знаю даже чем, у нас идет полноя оккупация.." -ასე მიპასუხა ყირიმული არხის ATR-ის ახალი ამბების პროდუსერმა, ნადირ დიტაროვმა, კითხვაზე, რით შემიძლია დახმარება-მეთქი“, – წერს თენგიზ გოგოტიშვილი.