2019-04-18 12:57

განგაში ოდესის აეროპორტში - საერთაშორისო აეროპორტის ადმინისტრაციამ ელექტრონული წერილი მიიღო, სადაც ნათქვამია, რომ აეროპორტის ტერიტორია დანაღმულია.

ადგილზე უსაფრთხოების სამსახურის და გამნაღმველების მობილიზაცია მოხდა. ძალოვანებმა ტერმინალებიდან მგზავრებისა და პერსონალის ევაკუაცია მოახდინეს, თუმცა გასაფრენად მომზადებულ თვითმფრინავებში უკვე საათნახევარია მგზავრები რჩებიან, რომელთა შორის საქართველოს მოქალაქეებიც არიან.