2019-01-09 18:12

ტრაგედია ჭავჭავაძის გამზირზე დღის დილით მოხდა. გარდაცვლილია ერთი და დაშავებულია 12 ადამიანი.

კატასტროფა რედიქსის მშენებარე კორპუსთან იმ დროს მოხდა, როცა ობიექტის მუშები მათთვის განკუთვნილი ჯიხურიდან სამუშაო ადგილზე შედიოდნენ. მათ სასწრაფო დახმარების მანქანა დაეჯახათ. ყველა მათგანი საქართველოს მოქალაქეა.

ავარიის დროს დაშავებული მუშები, თბილისის სხვადასხვა კლინიკაში გადაიყვანეს. 12-დან ერთის ჯანმრთელობის მდგომარეობა განსაკუთრებით მძიმეა. მას სასწრაფო ოპერაცია ჩაუტარდა. კატასტროფის დროს დაშავებული ერთი მუშა კი საავადმყოფოში მიყვანამდე გარდაიცვალა.