2018-12-03 18:40

სავარაუდო ყალბი პირადობის მოწმობების საქმეზე, რომელსაც ოპოზციის წევრებმა ლანჩხუთში მიაგნეს, პროკურატურამ გამოძიება დაიწყო.

მთავარ საგამოძიებო უწყებაში „ნაციონალური მოძრაობის“ ლანჩხუთის ორგანიზაციის ხელმძღვანელი კახა ასკურავა დაიბარეს. ასკურავამ ოცამდე პირადობის მოწმობა სარდაფში იპოვა. პირადობის დამადასტურებელი მოწმობები ახლად ლამინირებულია, თუმცა ისინი გარდაცვლილ პირებს ეკუთვნით. ასკურავა ვარაუდობს,რომ პირადობის მოწმობები არჩევნების გასაყალბებლად დაიბეჭდა და გარდაცვლილი პირები სპეციალურ ყალბ სიებში იყვნენ ჩამატებული.

„ეჭვს იწვევს ის, რომ 17 პირადობის მოწმობა, რომელიც აბსოლუტურად ყველა არის უვადოდ გაცემული არ უნდა ეყაროს სარდაფში საარჩევნო უბნიდან 200 მეტრში. ყველა არის გარდაცვლილი.

მთავარ პროკურატურას მივმართავ დაადგინოს ამ პირადობების წარმოშობა. დაახლოებით 10 წლის წინ გარდაცვლილი ადამიანის პირადობა მიკავია ხელში და არის გატკიცინებული.“

ჩემი ვერსია არის არჩევნების გაყალბება. მსგავსი მანიპულაციით, ეს კი არ იყო ერთი. გაყალბების რამოდენიმე სისტემას ჰქონდა "ქართულ ოცნებას". მათ ასევე ჰქონდათ ყალბი სიები. თუ პროკურატურა მიიღებს გადაწყვეტილებას გახსნას საარჩევნო მასალები სადაც იქნება სიები, არ არის გამორიცხული, რომ იქ აღმოჩნდეს ყალბი სიები“-ამბობს ასკურავა.