2018-11-06 16:28

მოკლული 8 წლის ნანა ბერიაშვილის ოჯახის წევრები და ახლობლები, მკვლელობაში ბრალდებულის გადაცემას ითხოვენ.

ამ მოთხოვნით აქცია გორში გუშინ გვიან ღამემდე გაგრძელდა. აქცია მას შემდეგ დაიგეგმა, რაც მოკლული ბავშვის მამამ და ოჯახის ადვოკატმა შიდა ქართლის პოლიციის შენობა დატოვეს.

ადვოკატი იმ ფოტო და ვიდეო მასალას გაეცნო, რომელიც ბრალდებულის იაგო ნებიერიძის მიერ გოგონასთან მკვლელობამდე ჩადენილ გარყვნილ ქმედებას ადასტურებს. ნანა ბერიაშვილის ბაბუამ ბრალდებულის მათთვის გადაცემა და ლინჩის წესით დასჯა მოითხოვა.