უკრაინიდან საქართველოს მოქალაქეების დეპორტაცია საქართველოსა და უკრაინის უსაფრთხოების სამსახურების ერთობლივი ოპერაციაა - ეს განცხადება, ოდესის ოლქის ყოფილმა გუბერნატორმა გააკეთა.
მიხეილ სააკაშვილმა „რუსთავი2“-ის ეთერში ისაუბრა და ქართველების დეპორტირება საქართველოსა და უკრაინის სპეცსამსახურების ერთობლივ ოპერაციად შეაფასა. სააკაშვილის განცხადებით, გვარები უკრაინულ მხარეს სუსმა გადასცა.
“საქართველოს აღარ ჰყავს პატრონი და აღარ ჰყავს სახელმწიფო აპარატი. ეს ყველა გვარი გადაცემული არის კიევში თბილისიდან. ეს გვარები არის გადაცემული სუს-იდან.
ეს ვიცი დანამდვილებით. ისეთი ხალხი ჩამოსვეს თვითმფრინავიდან აეროპორტში, რომელზეც ვერანაირად ვერ ეცოდინებოდა უკრაინულ მხარეს, რომ ისინი არიან ჩვენთან კონტაქტში. ეს იცის მხოლოდ საქართველოს სპეცსამსახურებმა, უკრაინის სპეცსამსახურებს ეს ინფორმაცია არ აქვთ.
ჩავიდა ზაფხულში პოროშენკო, მოელაპარაკა ივანიშვილს ჩემს წინააღმდეგ ერთობლივ მოქმედებებზე, შეთანხმდნენ - მოილაპარაკეს, ამის შემდეგ ჩამომართვეს მოქალაქეობა, ამის შემდეგ ერთობლივად მოქმედებდნენ საზღვრის გადალახვამდე, ახლა მინიმუმ დისკომფორტი უნდა შემიქმნან, რომ ქართულ გარემოსთან მაინც არ მქონდეს შეხება,“-განაცხადა მიხეილ სააკაშვილმა.