2017-11-09 17:53

„დემოკრატიული მოძრაობის“ ლიდერმა ნინო ბურჯანაძემ რუსეთში ვიზიტზე ისაუბრა და განაცხადა, რომ მომავალში მისი ვიზიტები შესაძლოა მის საპრეზიდენტო გეგმებს დაუკავშირდეს:

„მე არ გამოვრიცხავ, რომ მომავალში ჩემი ვიზიტები დაუკავშირდეს ჩემს საპრეზიდენტო გეგმებს, მაგრამ ეს ვიზიტი ამჯერად ამასთან დაკავშირებული ნამდვილად არ იყო მარტივი მიზეზის გამო - ჟურნალისტები, რომლებსაც ეს გადაცემა მიჰყავდათ, თვეების განმავლობაში მთხოვდნენ, რომ ჩავსულიყავი. უბრალოდ იყო გარკვეული პრობლემები, ხან რა გამოჩნდა, ხან - რა, შემდეგ იყო არჩევნები და მე ეს ფიზიკურად ვერ მოვახერხე, ბოლოს უარის თქმა ძალიან მომერიდა. ამჯერად ეს დაკავშირებული იყო მხოლოდ ამ გადაცემასთან, თუმცა უახლოეს ხანებში მე კიდევ მომიწევს მოსკოვში წასვლა, ასევე მნიშვნელოვან და საინტერესო გადაცემაში მონაწილოების მისაღებად“, - განაცხადა ნინო ბურჯანაძემ „პალიტრანიუსის“ გადაცემა „360 გრადუსში“ .