2017-10-31 21:37

"ჩვენ უნდა დავასრულოთ ოლიგარქების ხელისუფლება მთელს პოსტ საბჭოთა სივრცეში" - ეს განცხადება, საქართველოს მესამე პრეზიდენტმა და ოდესის ოლქის ყოფილმა გუბერნატორმა, მიხეილ სააკაშვილმა გააკეთა.

არსებულ ვითარებასა და სამომავლო გეგმებზე "ახალი ძალების" ლიდერმა, მოლდოვურ ტელეკომპანიასთან ვრცელ ინტერვიუში ისაუბრა. სააკაშვილი ამბობს, რომ ის ნებისმიერ მომენტში შეიძლება დააკავონ, მაგრამ მიუხედავად ამისა ბრძოლის შეწყვეტას არ აპირებს.

„ჩემთვის კარგადაა ცნობილი, რომ ნებისმიერ მომენტში შეუძლიათ დამაკავონ, მაგრამ მე სიმართლისთვის ვიბრძვი, ვგრძნობ ჩემს გარშემო მყოფი ადამინების მხარდაჭერას. პოროშენკო ივანიშვილს დაუმეგობრდა და ამას საფუძვლად უდევს ის ფაქტი, რომ მე მათი საერთო მტერი ვარ. ჩვენ უნდა დავასრულოთ ოლიგარქების ხელისუფლება მთელს პოსტ საბჭოთა სივრცეში და ვფიქრობ, ეს ტალღა სწორედ უკრაინიდან დაიწყება. საქართველოსთვის მნიშვნელოვანია რა მოხდება უკრაინაში. მოლდოვისთვის და ბელორუსისთვის გადამწყვეტია როგორ განვითარდება აქ მოვლენები.

ჩვენი მიზანი არაა სახელმწიფო გადატრიალების მოწყობა, ჩვენ ვიბრძვით აზროვნების გადატრიალებისთვის, რომელიც დაასრულებს უიმედობას და გარდაუვალი მარცხის განცდას. საქართველო, მიუხედავად იმისა, რომ ახლა იქ ოლიგარქი ზის, აღარაა ის ქვეყანა, რომელიც 15 წლის წინ იყო. ვითარებას იქ რუსეთის აგრესიის ფაქტორიც ამძიმებს. ვფიქრობ, დღეს უკრაინა მზადაა აზროვნების გადატრიალებისთვის,” - განაცხადა მიხეილ სააკაშვილმა.