თბილისის ცენტრალურ რკინიგზის სადგურში უკვე მესამე დღეა რუსული მატარებელი "ოქროს არწივი" დგას. მატარებელი მესამე ბაქანზე დგას და საქართველოშ ის 17 ოქტომბერს შემოვიდა.
როგორც საქართველოს რკინიგზაში აცხადებენ, მატარებელი ბრიტანულ კომპანიას ეკუთვნის და მას ტურისტები გადაჰყავს, საქართველოს კი სატრანზიტო დერეფნად იყენებს და ამაში ფულსაც იხდის:
"ოქროს არწივი ყოველ წელს შემოდის უკვე მესამე წელია, სადღაც შემოდგომაზე ხდება ხოლმე. ეს არის ტურისტული მატარებელი, რომელიც შემოდის აზრბაიჯანიდან , მოყავს ტურისტები, ათვალიერებს საქართველოს ღირსშესანიშნაობებს, ბრუნდება უკან და მერე გადადის შუა აზიის რესპუბლიკებში" აცხადებს საქართველოს რკინიგზის წარმომადგენელი ხარიტონ შაალამბერიძე "კურიერთან" საუბარში.
რუსული მატარებელი "ოქროს არწივი" საქართველოს 22 ოქტომბერს დატოვებს და ის ტურისტებთან ერთად თბილისიდან ბაქოში გაემგზავრება.
წყარო:რუსთავი2