2017-06-20 17:38

შს მინისტრთან შეხვედრის შემდეგ უმრავლესობის დეპუტატები დეტალებზე არ საუბრობენ, თუმცა აცხადებენ, რომ შეხვედრაზე  აფგან მუხთარლის საქმე განიხილეს. გარდა ამისა, მათი ნაწილის თქმით, შს მინისტრთან ისაუბრეს ბათუმის მარტის მოვლენებზე და ე.წ. რეპერების საქმეზე.

შეხვედრის დასრულების შემდეგ კომენტარი დეპუტატმა კობა ნარჩემაშვილმა გააკეთა, რომლის განცხადებითაც მუხთარლის საქმეზე საპარლამენტო კომისიის შექმნა გამოძიების დისკრედიტაციას გამოიწვევს, რადგან გამოძიება შუალედურ პროცესშია.

 ,,ბევრი კითხვა დაისვა, თუმცა შეხვედრა დახურული იყო და გამოძიების ინტერესებიდან გამომდინარე, არ არის მიზანშეწონილი დეტალები გახმაურდეს, თუმცა ყველაზე მნიშვნელოვანი აფგან მუხტარლის საქმე იყო.

ჩემი პირადი პოზიციაა, რომ სანამ გამოძიება შუალედურ პროცესშია, არ არის საჭირო პარლამენტში საგამოძიებო კომისიის შექმნა. ამით საგამოძიებო ორგანოების დისკრედიტაცია ხდება" - განაცხადა ნარჩემაშვილმა.