2017-06-19 12:33

"პროკურორ მესტვირიშვილს ვპირდებით სიურპრიზს"- ეს განცხადება, გაზეთ "ქრონიკა+"-ის მთავარმა რედაქტორმა ელისო კილაძემ გააკეთა.

ჟურნალისტის ინფორმაციით, მისი შვილის, დავით ხარშილაძის სასამართლო პროცესზე, რომელიც საქალაქო სასამართლოში დღეს გაიმართება, დაცვის მხარე მოსამართლეს შუამდგომლობით მიმართავენ, მიეწოდოთ დამადასტურებელი დოკუმენტაცია, თუ სად იმყოფებოდა დაკავების დროს პროკურორი დავით მესტვირიშვილი და შეეძლო თუ არა მას ელექტრონულად გაეცა ნებართვა ოპერაციაში სხვა სამართალდამცველების ჩართვის შესახებ.

ელისო კილაძის თქმით, პროკურორი მესტვირიშვილი დავით ხარშილაძის დაკავებისას სასამართლოს პროცესებს ესწრებოდა, შესაბამისად, როგორც ჟურნალისტი ამბობს, ის ელექტრონულ ნებართვას ვერ გასცემდა.

„არანაირი დოკუმენტი არ არსებობს იმისა, რომ შეიქმნა ოპერატიული ჯგუფი და განაწილებული იყო ფუნქციები. უბრალოდ ყველა ამბობს იმას, რომ პროკურორმა ელექტრონულად დაამატა კონკრეტული პირი ამ გამოძიებას. საქმის პროკურორს, ბატონ დავით მესტვირიშვილს ჩვენ ვპირდებით სიურპრიზს იმიტომ, რომ ისიც იტყუება. 13 მარტს, ჩემი შვილის დაკავების დღეს, მე მაქვს ინფორმაცია, რომ დავით მესტვირიშვილი მთელი დღის განმავლობაში სასამართლო პროცესებზე იმყოფებოდა სხვადასხვა სისხლის სამართლის საქმეზე და ის საერთოდ არ იყო პროკურატურაში. ანუ, ის არ იყო საქმის კურსში იმ სპეცოპერაციაზე, რომელსაც ახლა ასე დაბეჯითებით აპრავებს,“ - განაცხადა ელისო კილაძემ