2017-06-02 15:47

ავღან მუხტარლი სამარშრუტო ტაქსიდან ჩამოსვლის შემდეგ ჭონქაძის ქუჩიდან გაიტაცეს- ამის შესახებ ინფორმაციას, აზერბაიჯანელი ჟურნალისტის მეუღლე ავრცელებს.

ლეილა მუსტაფაევას ინფორმაციით, მუხტარლის თავს ქართულად მოლაპარაკე ორი ადამიანი დაესხა თავს.

ოჯახის ადვოკატის თქმით, ჭონქაძის ქუჩაზე დამონტაჟებული სათვალთვალო კამერების ჩანაწერების ამორებას ითხოვს. არჩილ ჩოფიკაშვილმა საგამოძიებო ორგანოს უკვე მიმართა.

"აფგან მუხთარლის ადვოკატისგან შევიტყვეთ, რომ მისი გამტაცებლები ქართულად საუბრობდნენ და მხოლოდ მანქანის შეცვლის შემდეგ გადასცეს ის აზერბაიჯანულად მოსაუბრე ადამიანებს. შევისწავლეთ შესაძლო მარშრუტი, რომელითაც ის სახლში ბრუნდებოდა. აქ ყველგან კამერებია დამონტაჟებული და შესაძლებელია მომხდარის უფრო მეტი დეტალის მოძიება.
მაგრამ, საქართველოს ხელისუფლება ცდილობს დამალოს ეს, თითქოს ისინი არაფერ შუაში არიან, რადგან შეთანხმება აქვთ აზერბაიჯანის მთავრობასთან. ავღან მუხტარლი საქართველოდან გაიტაცეს და პასუხისმგებლობა ქართულ ძალოვან სტრუქტურებს ეკისრებათ.

ჩვენ პარალელურად ჟურნალისტურ გამოძიებასაც ჩავატარებთ," - აცხადებს აფგან მუხთარლის მეუღლე, ლეილა მუსტაფაევა.