2015-12-04 21:33

საზოგადო მოღვაწემ, ალექსანდრ დანილიუკმა და არაღიარებული ჩეჩნეთის რესპუბლიკის მინისტრთა კაბინეტის წარმომადგენელმა ახმედ ზაკაევმა მოიყვანეს რამდენიმე ფაქტი, რომლებიც, მათი აზრით, ბევრ რამეს ჰფენს ნათელს "ისლამური სახელმწიფოს" საკითხში.

კერძოდ, დანელიუკმა დაწერა თავის გვერდზე facebook-ში, რომ ტერორისტული ორგანიზაცია "ისლამური სახელმწიფოს" ბოევიკების 30% რუსეთის ფედერაციის მოქალაქეა, ხოლო ბოევიკების შეიარაღების 80% რუსული იარაღია. ამას გვამცნობს საინფორმაციო რესურსი "листок". 

გარდა ამისა, არაღიარებული ჩეჩნეთის რესპუბლიკის მინისტრთა კაბინეტის წარმომადგენელმა ახმედ ზაკაევმა რამდენიმე დღის წინ განაცხადა, რომ ტერორისტებს ხელმძღვანელობენ სადამ ჰუსეინის რეჟიმის ექს-გენერლები, რომელთაც სამხედრო განათლება საბჭოთა კავშირში მიიღეს.

მისივე თქმით, დღეისათვის "ისლამური სახელმწიფოს" ტერორისტები რუსული სპეცსამსახურების მიერ კონტროლდება.

ეს განცხადება ზაკაევმა ინტერვიუში, «Факты недели с Оксаной Соколовой»- სთან გააკეთა. ზაკაევის სიტყვებით, ის ფლობს იმის მტკიცებულებებს, რომ "ისის"-ს რუსეთის ფედერაციის სპეცსამსახურები აკონტროლებს.

მან აღნიშნა, რომ კურატორობა ხდება იმ ირანელი სამხედროების მეშვეობით, რომლებიც სადამ ჰუსეინთან მსახურობდნენ. გარდა ამისა, ზაკაევი დარწმუნებულია, რომ რუსეთის პრეზიდენტი ვლადიმირ პუტინი ელოდა ტერაქტებს პარიზში.

მაკა მალაზონია