2017-05-29 21:32

მეუფე პეტრე საქართველოს პრემიერ მინისტრის უპრინციპობაზე საუბრობს, და აცხადებს, რომ პრემიერს ამხელს. განცხადება ჭყონდიდის მთავარეპისკოპოსმა "რუსთავი2"-თან საუბრისას გააკეთა.

მეუფე პეტრემ პრემიერის ის განცხადება გაიხსენა, სადაც კვირიკაშვილმა თქვა, რომ ე.წ. ციანიდის საქმეს პირად კონტროლზე აიყვანდა, რაც მეუფის განცხადებით მან არ შეასრულა.

მეუფე პეტრე ფიქრობს, რომ ე.წ. ციანიდის საქმის სკანდალის უკან ხელისუფლებისა და ეკლესიაში მყოფი ადამიანების დაჯგუფება დგას.

„ხელისუფლებაშიც და ეკლესიაშიც არის საერთო უკვე ასეთი სკანდალის უკან მდგომი ადამიანების დაჯგუფება, რომლებსაც თვითონ უნდათ სუფთა ხელებით გამოვიდნენ, რაც არ მოხერხდება.
გუშინ ასეთი საოცარი, კარგი, პოზიტიური და სახელმწიფოებრივი პოზიციისა, რაც გლობალური უსაფრთხოების ფორუმზე გააკეთა პრემიერ-მინისტრმა, მაგრამ ისევ ვამხელდი უპრინციპობაში, რამეთუ მან თქვა, რომ პირად კონტროლზე ექნებოდა ეს საქმე და ჩანს, თუ რამდენად პირად კონტროლზე ჰყავს აყვანილი და ჩანს, თუ რამდენად უსირცხვილო გაგრძელება აქვს ამ საქმეს,“ - განაცხადა მეუფე პეტრემ.