2017-05-29 11:03

"კიდევ ერთხელ დადასტურდა ნატოს სურვილი, თავის რიგებში იხილოს საქართველო,”-ამის შესახებ საქართველოს პარლამენტის თავმჯდომარემ , ირაკლი კობახიძემ ნატოს საპარლამენტო ასამბლეის სესიაზე სიტყვით გამოსვლისას განაცხადა.

კობახიძემ კიდევ ერთხელ გაუსვა ხაზი, ნატოს მხარდაჭერის მნიშვნელობას , ისაუბრა ქვეყნის ევროატლანტიკური ინტეგრაციის სურვილსა და მისწრაფებებზე.დემოკრატიის განმტკიცებაზე საუბრისას კობახიძემ საკონსტიტუციო ცვლილებებზეც ისაუბრა.

,,ჩვენ ჩვენი მხრივ, კიდევ ერთხელ ღიად გამოვხატეთ სურვილი ვიყოთ არა მხოლოდ ალიანსის წევრი, არამედ ევროატლანტიკური თანამშრომლობის ღირსეული და აქტიური მონაწილე. საქართველოს პარლამენტში დაწყებული საკონსტიტუციო რეფორმის უმთავრესი მიზანი, სწორედ ხელისუფლების დანაწილების პრინციპზე დაფუძნებული, დემოკრატიული მმართველობის სისტემის განმტკიცებაა.

საქართველო ყალიბდება ევროპული ტიპის სტაბილურ, საპარლამენტო დემოკრატიად, ამგვარი საქართველო იქნება სასურველი და მტკიცე პარტნიორი ჩვენი მეგობარი ქვეყნებისთვის,"-განაცხადა პარლამენტის თავმჯდომარემ.