2017-05-09 19:48

საქართველოს პრემიერ-მინისტრმა გიორგი კვირიკაშვილმა და აშშ-ის სახელმწიფო მდივანმა რექს ტილერსონმა საიდუმლო ინფორმაციის დაცვის უსაფრთხოების შესახებ შეთანხმებას ხელი მოაწერეს.

საქართველოს პრემიერ-მინისტრის განცხადებით, ორ ქვეყანას შორის შეთანხმება სტრატეგიული პარტნიორობის ფარგლებში გაფორმდა.

შეთანხმების საფუძველზე მოხდება ინფორმაციის უსაფრთხო გაცვლა, რაც პრემიერის განმარტებით კიდევ ერთხელ ადასტურებს, რომ საქართველო შეერთებული შტატების სანდო პარტნიორია.

"აშშ-სა და საქართველოს შორის სტრატეგიული პარტნიორობის ფარგლებში, ჩვენ ვთანხმდებით, რომ ამ სახის ინფორმაციის უსაფრთხო გაცვლა მოხდება. ეს მეტყველებს იმაზე, რომ საქართველო გახლავთ აშშ-ის სანდო პარტნიორი. ჩვენ გვაქვს ზურგს უკან ძალიან მნიშვნელოვანი თანამშრომლობის 25 წელი. გვქონდა ძალიან საინტერესო შეხვედრა სახელმწიფო მდივანთან, სადაც ჩვენი ურთიერთობების ყველა მიმართულებებზე ვისაუბრეთ და ვისაუბრეთ ამ მიმართულებების გაღრმავების საინტერესო პერსპექტივაზე“, - განაცხადა გიორგი კვირიკაშვილმა.