2017-05-08 10:44

ზუგდიდში, დგებუაძის ქუჩაზე, თამბაქოს საწყობის აფეთქებას მსხვერპლი მოჰყვა - დაღუპულია საწყობის მენეჯერი. 

აფეთქება დაახლოებით ერთი საათის წინ მოხდა, რასაც ხანძარი მოჰყვა. ადგილზე სახანძრო ბრიგადები და მაშველები მუშაობდნენ. ხანძარი ლოკალიზებულია, ხოლო 45 წლის მენეჯერის ცხედარი ბეტონის ფილებქვეშ მოყოლილი იპოვეს - აფეთქების მომენტში მენეჯერი ადგილზე იმყოფებოდა. 

წინასწარი ინფორმაციით, აფეთქება და ხანძარი მოკლე ჩართვამ გამოიწვია - შენობა მთლიანად დანგრეულია.