2017-04-23 17:01

ამერიკელი მსახიობი უმა თურმანი წელს კანის საიუბილეო ფესტივალზე სექცია "განსაკუთრებული ხედვის" ჟიურის თავმჯდომარე იქნება.

"ოც წელზე მეტია უმას არაჩვეულებრივი კარიერა აქვს. ჩვენ შევთავაზეთ ჟიურის წევრობა და მანაც გარისკა", - ამბობს კანის ფესტივალის პრეზიდენტი.

2005 წლიდან მოყოლებული ამ სექციის გამარჯვებულს ჯილდოს სახით €30 ათასს გადასცემენ.

სექციაში "განსაკუთრებული ხედვა" სულ ოცი ფილმი მიიღებს მონაწილეობას, რომლებიც ორიგინალური და განსხვავებული სტილით გადმოსცემენ ისტორიას.

ფესტივალის ჟიურის თავმჯდომარე წელს ესპანელი რეჟისორი, პედრო ალმოდოვარი იქნება, რომელსაც თავად რამდენჯერმე აქვს მიღებული ოქროს პალმის რტო, მათ შორის საუკეთესო რეჟისურისა და სცენარისთვის. ჟიურის წევრებს შორის არის მსახიობი ჯესიკა ჩესტეინიც.

კანის კინოფესტივალი წელს 17 მაისს დაიწყება.

წყარო: on.ge