2017-04-12 16:36

ვიცე-პრემიერი კალაძე იზიარებს პარლამენტის თავმჯდომარის მოსაზრებას, რომ „რუსთავი 2“-ის საქმესთან დაკავშირებით სტრასბურგის სასამართლოზე ირიბი ზეწოლა განხორციელდა. 

“ის ყველაფერი, რაც ამ საქმის ირგვლივ კეთდებოდა, შეიძლება განხილული იქნას ზეწოლად. ჩვენ თუ გადავხედავთ ქრონოლოგიას ამ საქმეების მიმართ, დაწყებული ადგილობრივ მოსამართლეებზე ზეწოლით - ამის ფაქტები არსებობს, როდესაც მიდიოდა სიტყვიერი შეურაცხყოფები, გინებები და ა.შ... შემდეგ იყო არასამთავრობო ორგანიზაციების ნაწილის მხრიდან გაგზავნილი წერილები. ეს ყველაფერი შეიძლება ითქვას, რომ არის ირიბი ზეწოლა. პრეზიდენტმაც გააგზავნა წერილი, თუ არ ვცდები“, - განაცხადა კახა კალაძემ. 

ირაკლი კობახიძემ დღეს განაცხადა, რომ სტრასბურგის სასამართლომ რუსთავი2-ის საქმეზე გადაწყვეტილება საქართველოს პრეზიდენტის, პოლიტიკოსებისა და არასამთავრობოების ზეწოლის შედეგად მიიღო.