2017-04-12 13:08

პარლამენტის თავმჯდომარის ირაკლი კობახიძის განცხადებით,  რუსთავი2-ის საქმეზე სტრასბურგის სასამართლოზე ზეწოლის მცდელობა კონკრეტულ სუბიექტებს და მათ შორის საქართველოს პრეზიდენტსაც ჰქონდა.

კობახიძე ამბობს, რომ სტრასბურგის სასამართლომ გადაწყვეტილება, ამ გავლენის ქვეშ მიიღო.

"იყო კონკრეტული ნიშნები იმისა, რომ კონკრეტული სუბიექტები, მათ შორის საქართველოს პრეზიდენტი, კონკრეტული პოლიტიკური პარტიები და სხვა სუბიექტები, ცდილობდნენ პოლიტიკური გავლენის მოხდენას სტრასბურგის სასამართლოს გადაწყვეტილებაზე.

შესაბამისი წერილებიც გააგზავნეს სტრასბურგის სასამართლოში და ბუნებრივია, ეს იყო პოლიტიკური გავლენის მოხდენის მცდელობა და ბუნებრივია, ამ გავლენის ქვეშ იქნა მიღებული ეს გადაწყვეტილება. ეს არ ნიშნავს, რომ გადაწყვეტილება იყო პოლიტიკური, თუმცა მიზანი იყო პოლიტიკური გავლენის მოხდენა",- განაცხადა კობახიძემ.