-
2017-01-09 20:24
ერთიანი ნაციონალური მოძრაობის თბილისის ორგანიზაციის თავმჯდომარის გიგი უგულავას თქმით, მიხეილ სააკაშვილთან კომუნიკაცია ტელეფონით ჰქონდა, თუმცა, შეხვედრა ჯერ ვერ ხერხდება.
მისივე თქმით, პარტიაში მიმდინარე კრიზისის აღმოფხვრის შანსები დღითიდღე მცირდება და 2-5%-ს არ აღემატება.
”მიშასთან მქონდა საუბარი, თუმცა ძნელია მობილურით კომუნიკაცია . საუბარი იყო მოკითხვით, ადამიანურ დონეზე. შეხვედრის სურვილი არსებობს, თუმცა ჯერჯერობით ეს ვერ ხერხდება, რადგან მე ვერ ვტოვებ ქვეყანას, ხოლო მიშა ვერ ჩამოდის საქართველოში. რაც შეეხება მის პოზიციას პარტიის დაშლასთან დაკავშირებით, ეს თავად მან უნდა დააფიქსიროს, მე ვერაფერს გეტყვით”, - განაცხადა გიგი უგულავამ.