2014-02-19 19:25

18 თებერვალს კიევის ცენტრში მომხდარი შეტაკებების დროს დაღუპულთა რიცხვი ჯანდაცვის სამინსიტროს მონაცემებით, დღის ბოლოს კიდევ ერთხელ შეიცვალა: დაღუპულია 26 ადამიანი.

გარდაცვლილთაგან 10 მილიციელია, დანარჩენები კი - ევრომაიდნის აქტივისტები. გარდაცვლილთა უმრავლესობას ცეცხლსასროლი იარაღით მიყენებული ჭრილობები აღენიშნება.

შეგახსენებთ, რომ გარდაცვლილთა შორის ერთი ქალია. წინასწარი ინფორმაციით, გულის უკმარისობის შედეგად ინსტიტუტსკაიას ქუჩაზე საქართველოს მოქალაქე, გაგრიდან დევნილი, 54 წლის ზურაბ ხურციაც გარდაიცვალა. ინფორმაცია იმის შესახებ, რომ გარდაცვლილი ქალი, ასევე, საქართველოს მოქალაქეა, არ დადასტურდა.