2016-11-15 12:15

დედაქალაქის ბიუჯეტი საკრებულოში დღეს გადაიგზავნება. ბიუჯეტი დაახლოებით 800 მილიონ ლარზეა გაწერილი და დღეს უნდა გახდეს ცნობილი თუ როგორ მოხდება თანხების გადანაწილება მნიშვნელოვან პროექტებზე.

ოპოზიცია ბიუჯეტის პროექტს მხარს არ დაუჭერს, რადგან თვლიან , რომ ის მხოლოდ ხელისუფლების ინტერესებსაა მორგებული.

ოპონენტების ბრალდებებს უარყოფს თბილისის მერი და ამტკციებს, რომ დედაქალაქის ბიუჯეტი მოქალაქეებზეა ორიენტირებული. დავით ნარმანია იმ პრიორიტეტებს ასახელებს, რომელიც ქალაქის მომავალი წლის მთავარ ფინანსურ დოკუმენტშია ასახულია.

„პრიორიტეტები მომდევნო წელს იქნება საბავშვო ბაღები, გარემოზე ზრუნვა და ეკოლოგიური ღონისძიებები, მუნიციპალური ინფრასტრუქტურის მოდერნიზაციასთან დაკავშირებული საკითხები, ასევე სატრანსპორტო ინფრასტრუქტურის და ზოგადად ტრანსპორტის შემდგომი განვითარება იქნება ასევე ძალიან მნიშვნელოვანი,“ - განაცხადა დავით ნარმანიამ.

დედაქალაქის მერის განცხადებით, კი მთავარი საფინანსო დოკუმენტის შედგენისას ოპოზიციის შეხედულებების გათვალისწინება არ  მოხდა.

ბიუჯეტის მოცულობა წინა წელთან შედარებით, შემცირებულია. ამის მიზეზად, ,,ქართული ოცნება"  გასულ წელს სტიქიით დაზარალებლთა და ახალი ავტობუსების ხარჯებს ასახელებს.