2016-08-13 16:31

რიოში, ოლიმპიურ სოფელში რუსეთის სახელმწიფო დროშა შეურაცხჰყვეს - ამის შესახებ ინფორმაცია სინქრონულ ცურვაში რუსეთის ნაკრების წევრებმა გაავრცელეს. 

ნაკრების წევრის მიერ გავრცელებული ინფორმაცია, რომ სოფელში შეჯიბრებიდან დაბრუნებულ სპორტსმენებს დროშა ჩამოხეული და შეურაცხყოფილი დახვდათ, ნაკრების მწვრთნელმა ტატიანა დანჩენკომაც დაადასტურა:

"გოგოებმა მიამბეს ამ ინციდენტზე. მითხრეს, რომ დაძინების წინ კარებზე დროშა ჩამოკიდეს, ხოლო დილით, როცა გაიღვიძეს და კარი გააღეს, დროსა იატაკზე დაგდებული დაინახეს. ცხადია, ძალიან აღგვაშფოთა ამ ეპიზოდმა", - თქვა მან. 

რუსეთის ოლიმპიური კომიტეტი აცხადებს, რომ სიტუაციას შეისწავლის და განცხადებას შემდეგ გაავრცელებს. მათი თქმით, ინფორმაციას არ ფლობენ ამ აღნიშნული ფაქტის შესახებ, მაგრამ ოლიმპიურ სოფელში, ზოგადად, სიმშვიდეა.