გაზეთ "ქრონიკა პლუსის" მთავარი რედაქტორი ელისო კილაძე, რომელიც, როგორც თავად წერდა "ფეისბუქში", "რუსთავი2"-ის სასამართლო პროცესიდან გაცინების გამო გააძევეს, "არჩევანში" შეკითხვას სვამს, რა უნდოდა სააპელაციო სასამართლოს მოსამართლეს კანცელარიაში ღამის 12 საათზე.
ელისო კილაძემ იმაზეც ისაუბრა, რომ სწორედ ბიძინა ივანიშვილი იყო "ნაციონალური მოძრაობისა" და მიხეილ სააკაშვილის ხელისუფლების დამფინანსებელი, მათ შორის, 2007 და 2011 წლის დარბევების დროსაც:
"როდესაც ოცნების მომხრეები ჩვენ გვეუბნებიან, თქვენ ნაციონალური მოძრაობის მესიჯების გამხოვანებელი ხართო, მე მინდა, ყველას შევახსენო, რომ ბიძინა ივანიშვილი იყო ის კაცი, რომელიც აფინანსებდა ნაციონალურ მოძრაობას, რომელიც აფინანსებდა მიხეილ სააკაშვილს, მათ შორის 7 ნოემბრის დარბევის და 26 მაისის დარბევის დროსაც,“ – განაცხადა კილაძემ გადაცემა არჩევანის ეთერში.
“ნათია გუჯაბიძე ღამე, 12-ის ნახევარზე იმყოფებოდა სახელმწიფო კანცელარიაში და მე კითხვა მაქვს, რას აკეთებდა და ვის შეხვდა. ასევე გუშინ შედგა შეხვედრა თეა წულუკიანსა და ეკა ბესელიას შორის, რაღაც თათბირი შედგა და მერე ბესელია ურეკავს მერაბ ტურავას, საკონსტიტუციო სასამართლოს ერთ-ერთ მოსამართლეს და უსვამს შეკითხვას, აქ სააპელაციო სასამართლოს კოლეგიის საქმე გარკვეულია და რა ხდება თქვენთანო. რას ნიშნავს ეს?“ – აღნიშნა კილაძემ.
