-
2016-05-29 19:29
კომპანია "ლიდერბეთმა" მთავარ ვებ-გვერდზე ოკუპირებულ აფხაზეთში დაწყებული თვითგამოცხადებული და არაღიარებული ქვეყნების მსოფლიო ჩემპიონატის მატჩების შედეგებზე ფსონების მიღება დაიწყო. ამის შესახებ გამოცემა "სარბიელი.ჯი" წერს და ფოტოსქრინებს აქვეყნებს.
კონკრეტულად, ფსონების მიღება დაწყებულია "აფხაზეთი-დასავლეთ სომხეთის" ე.წ. ნაკრებთა მატჩზე, რომელიც 31 მაისს გაიმართება. "ლიდერბეთმა" ეს მატჩი "საერთაშორისო" კატეგორიაში განათავსა. დღეს სოხუმში ConIFA-ს (დამოუკიდებელ საფეხბურთო ასოციაციათა კონფედერაცია) ფეხბურთის მსოფლიო ჩემპიონატი დაიწყო.
საზეიმო გახსნაში მსოფლიო საზოგადოების მიერ არაღიარებული ქვეყნებისა და FIFA-ს მიერ არაღიარებული საფეხბურთო ფედერაციების წარმომადგენლები მონაწილეობენ, მათ შორისაა "აფხაზეთის რესპუბლიკის ეროვნული ნაკრებიც".
არაღიარებული რესპუბლიკების ფეხბურთის მსოფლიო ჩემპიონატში 12 გუნდი მონაწილეობს. ჩემპიონატი 5 ივნისს დაიხურება.
წყარო: "სარბიელი.ჯი"